Namibië tweede vir waarde in toerisme
Tuesday, 1st November 2016
Written by Francoise Steynberg and pubished in the Republikein on 31/10/2016
Namibië is deur Lonely Planet as die tweede beste bestemming van waarde vir begrotingsbewuste toeriste aangewys.
Nepal beklee die eerste plek.
“Die swak rand waaraan Namibië gekoppel is, se waarde het die afgelope paar jaar gedaal en dit skep geleenthede om hierdie wonderlike land te ervaar,” volgens Lonely Planet, ''n wêreldbekende reisgidsboek.
“Gaan kyk na wild in die Etosha Nasionale Park, gaan stap die ongelooflike staproete deur die Visrivier-canyon en gaan ry duineplank op die magtige Sossusvlei-duine.
“Die groot, blou lugruim in kontras met die helder sterreprag snags is van die herinneringe wat menige besoekers aan Namibië gaan bybly en toeriste nie ''n hoop geld gaan kos nie.”
Die toptien beste waarde-bestemmings is: Nepal, Namibië, die stad Porto in Portugal, Venesië in Italië, Debrecen in Hongarye, Belize, Marokko, Rusland, die Bellarine-skiereiland in Australië, en Michigan se opperskiereiland in Amerika.